Pigyugo-yugo kan 6.0 na linog an kadagatan na harani sa primero asin pinaka-matawong isla kan Indonesia, an Java, kan nakalihis na Martes nin banggi, sigun sa US Geological Survey (USGS).
Nagtama an linog bandang alas-11:49 nin banggi (local time), na igwang sentro sa rayong 156 kilomentro sa sirangan kan Surabaya, an ikaduwang pinakadakulang siyudad sa nasyon, asin igwang rarom na 13.9 kilometro.
Namatean man an pagyugo-yugo sa Sidoarjo, kun saen sarong establisyemento kan Islamic school, sarong aldaw antes an linog na nagresulta sa pagkagadan kan tolong katawo.
Padagos pa man an recsue operations sa lugar tanganing maisalbar an mga natahuban kan mga nagbagsakang debris.
Sigun sa Indonesia Meteorology, Climatology, and Geophysical Agency mayong huma kan tsunami kasunod kan nagtamang linog sa Isla.
Sa ngunyan, apat na aftershocks na an naikurit kan nasyon kaibahan an saro na igwang kusog na magnitude 4.4.
