Nagpakol na sa 2,461 an nairehistrong aftershocks gikan sa 6.9 magnitude na linog sa Cebu.
Sigun sa data kan Phivolcs, nasa 498 na mga pagyanig an plotted o na-detect kan duwa o lampas pang pasilidad.
Mantang 13 naman na igwang kakusugan an namatean kan mga residente. An mga aftershocks may kusog na puon sa 1.0 hasta 4.8 magnitude.
Piglalaoman na madagos-dagos pa an mga pagyugo-yugo hasta sa mga masunod na bulan. Enot digde, napag-araman an hababaw na pinuunan kan Offshore Cebu earthquake kaya namatean ini sa kadakol na mga lugar.
Advertisement
Apwera sa Visayas, nag-abot man ini sa Luzon. Partikularmente na sa Albay, Sorsogon asin Camarines Sur.
Advertisement
