Pig-anunsyar kan Securities Exchange Comission na nagpakol na sa P1.7 trillion an nawara sa Philippine Stock Market sa laog sana kan tulong semana nin huli sa isyu kan katiwalian kun saen imbwelto an flood control projects.
Sigun ki SEC Chair Francis Lim, naapektaran maray an kumpiyansa kan publiko asin mga namumuhunan, na nagkawsa nin negatibong epekto sa prospects kan ekonomiya kan nasyon.
Dugang pa kaini, kun maraot soboot an tiwala kan mga ini, mawawara an kapital asin gabos apektado an gobyerno, negosyo asin mamamayan.
Naunambitan man ni Lim na presenteng maluya an hiro kan merkado na nagpapahiling nin sarong “crisis of confidence”.
Nangangapudan ini sa mga lingkod-bayan na liwat bilugon an tiwala kan publiko tanganing maibusok an pag-uswag kan ekonomiya.
Komo miyembro kan Anti-Monwy Laundering Council, isinaysay man kan SEC an suporta kaini sa suhestyon na paghali o pagbago kan bank secrecy law tangaing matabnagn an imbestigasyon kan gobyerno dapit sa mga anomalya sa mga proyekto kan gobyerno.
