Bilog an pwersang ibubulos kan Department of Public Works and Highways (DPWH) sa pagtabang makalihis an pagtama kan magnitude 7.4 na linog sa Davao Oriental.
Ini an pahayag ni DPWH Secretary Vince Dizon kan magbisita kaibahan sinda DSWD Secretary Rex Gatchalian, Department of Education (DepEd) Secretary Sonny Angara, asin Mindanao Development Authority Chairperson Leo Magno sa nasambitan ng probinsya.
Sigun ki Dizon, sinda matao nin immediate relief sa mga probinsyang naapektaran kan nakalihis na linog.
Nagkapira sa mga ini an pagbilog kan medical tents asin evacuation sites mantang pigpuouonan na man an assessment kan iba pang public structures siring kan mga eskwelahan asin ospital sa Davao Oriental.
Miestrastanto, sainda man pig-assess an mga national road sa Davao Region kun saen nagluluwas na pupwedeng agihan ini kan publiko sa ibong kan makusog na pagyugo-yugo.
Alagad igwang nahiling na raot an DPWH sa nagkapirang mga local roads kawsa kan nagkapirang landslide kasunod kan linog.
Huli digde pigpaubaya na kan ahensya an nagkapirang quick response assets kaini sa mga provincial government tanganing maparekas an clearing operations.
