Nagdeklara na nin Estado nin Kalamidad an 218 lokal na gobyerno (LGU) kan nakaaging Huwebes, Oktubre 15, 2026, huli sa grabeng tigmara o El Niño, segun sa Department of Social Welfare and Development (DSWD).
Sa mga apektadong lugar, an pinakadakol iyo an hale sa BARMM na igwang 108 LGU, sinundan kan Region II na igwang 66 asin Caraga na igwang 23.
Kaiba man sa mga nagdeklara an 12 LGU sa Region V, 4 sa CALABARZON, 2 sa CAR, 1 sa MIMAROPA, 1 sa Region VIII, asin sa Region XII.
Base sa datos, 3,398 barangay an apektado, na katumbas kan 247,640 pamilya na binibilog nin 622,318 indibidwal.
Kadaklan sa mga apektado iyo an mga magsasaka asin parasira na nagsasarig sa agrikultura asin pagsira para sa saindang hanapbuhay.
Mantang, umabot na sa labi P700 milyon an kabilugan na kantidad kan humanitarian assistance kan DSWD.
An pinakadakula an naresibe kan Region II, na nagkakahalaga nin P732 milyon, huli ta kaiba an Cagayan asin Isabela sa mga lugar na grabeng naapektaran kan tag-init.
