Pigsierto kan Philippine Coast Guard (PCG) asin Bureau of Fisheris and Aquatic Resources (BFAR) na dae sinda mapatinag sa ibong kan agresyon kan China sa parte kan West Philippine Sea.
Sigun ki PCG Spokesperson for West Philippine Sea Commodore Jay Tarriela na padagos na pigpapahiling kan saindang ahensiya asin kan BFAR an matibay na paninindugan sa pagtatao nin proteksyon sa mga Pilipinong parasira sa Kalayaan Island Group sa ibong kan agresibong panliligalig asin mga huma gikan sa mga barko kan China sa kadagatan kan Pag-asa Island.
Pagsierto ni Tarriela na sa ibong mga taktika nin pananakot asin agresibong hiro, nagtitinir na matatag an PCG asin BFAR.
Dae soboot sinda maurong o matitinag huli man ta importante an saindang presensiya sa Kalayaan Island Group tanganing ipagtanggol an karapatan asin kabuhayan kan mga Pilipinong parasira.
Pahayag ini Tarriela makalihis mambomba nin water cannon an sarong barko kan China Coast Guard (CCG) asin kalaunan, pigtuyong magbangga sa sarong lunadang-pandagat kan Philippine Coast Guard (PCG) sa laog kan kadagatan kan Pag-asa Island kasuodma.
Sigun ki Tarriela, nangyari an insidente mantang nakadaong nin marhay sa katubigan kan Pag-asa Island an tolong barko kan Bureau of Fisheries and Aquatic Resources (BFAR), kaibahan an BRP Datu Pagbuaya.
Nasa lugar an mga ini tanganing tawan nin proteksiyon an mga Pilipinong parasira komo parte kan programang “Kadiwa para sa Bagong Bayaning Mangingisda” (KBBM).
Sa saiyang social media post, kinumpirmar ni Tarriela na kasuodmang aga hinampang kan mga barko kan BFAR an mapeligro asin provokatibong mga maniobra kan China Coast Guard asin Chinese Maritime Militia.
Sa pahayag ni Tarriela, bandang alas-8:15 nin aga kasuodma, nagrani soboot an mapeligrong mga barko kan China asin pinaputukan nin water cannon an mga barko kan BFAR kun saen ini an sarong malinaw na huma.
Orog pang naglala an tensiyon bandang alas-9:15 nin aga kan direktang pinaputukan nin water cannon kan PCG Vessel na mga bow number 21559 an BRP Datu Pagbuaya, rason tanganing tamaan ini. Makalihis an tolong minuto, pigtuyo soboot banggaon kan parehong barko kan CCG an likudan na parte kan Datu Pagbuaya.
Nakuanan sa video an banggaan na nagdara nin bahagyang danyos sa estruktura kan barko, alagad mayong nakulogan sa mga tripulante.