Posibleng maghagad nin International Criminal Court (ICC) ano man na oras an.pag-arestar ki Sen. Ronald “Bato” Dela Rosa sa kahagadan kan prosekusyon mantang tinatasa pa an salud asin kakayahan ni dating Presidente Rodrigo Duterte na maghampang sa paglilitis, sigun ki ICC-accredited Assistant to Counsel Kristina Conti kan nakalihis na Lunes, Oktubre 13.
An isyu an pwedeng magpadagos independently sa warrant of arrest kontra ki Bato asin iba pa, huli ta sa puntong ini, an prosekusyon an naghahalat na sana para sa resulta.
Pahayag pa ni Conti. Ini an makalihis ipagpauktaba kan ICC an confirmation of charges hearing ni Duterte na orihinal na pigtalaan kan nakalihis na Setyembre 23, huli sa pahayag kan depensa na dae soboot kayang maghampang kan dating Presidente sa paglilitis huli sa salud kaini.
Sigun ki Conti, presenteng kumukonsulta an ICC sa mga health experts tangani aramon kun tunay na dae kayang sumairarom ni Duterte sa paglilitis.
Naresiber na man soboot kan ICC an mga resulta kan pagsusuri, kabali na an sa sarong psychiatrist, alagad posibleng mahaluyan pa kun mauutro an mga ini.
Si Dela Rosa, na hepe kan Philippine National Police (PNP) kan nakalihis na administrasyong Duterte, an nangenot sa madugong war on drugs na kabali sa mga reklamong crimes against humanity na humantong sa pagkaka-arestar ni Duterte kan nakalihis man na Marso 11 asin pagkakakarsel sa The Hague, Netherlands.
Ibinunyag ni Conti na nabanggit an pangaran ni Dela Rosa asin walo pang iba sa draft charges laban ki Duterte.
Bagaman dai tinukoy sa publiko an ibang pangaran, sinaysay ni Conti na duwa ay mga pulis, saro an opisyal kan gobyerno, saro an harani ki Duterte, asin saro pa an amigo kan dating Presidente.
An soboot mga eight players an pigkokonsiderar man na kabali sa pinakaresponsable, dagdag pa kan nasambitan ng abogado.
Siringpaman, aminado si Conti na magigin dipisil an pag-arestar ki Dela Rosa huli sa saiyang katindugan komo senador asin man posibleng pagduduwa-duwa kan mga ahensyang tagapagpatupad kan ley siring na sana kan PNP asin NBI na arestarun an sarong dating lider.
Mientrastanto, nilalaoman ni Conti na an pinakaamay na petsa kan confirmation of charges hearing ni Duterte an sa Enero o Pebrero 2026, makalihis an posibleng apelar asin man mga recess kan korte sa bulan nin Disyembre.
Nilinaw man kaini na an nasambitan ng pagdangog an dae pa pagpupuon kan paglilitis, kundi parte sana kan proseso tangani sana pagtibayon an mga kaso. An desisyon kun kakasuhan o dae an dating Presidente an nilalaoman 60 aldaw makalihis an pagdangog.
Sinayumahan kan ICC Pre-Trial Chamber an kahagadan kan kampo ni Duterte para sa paramientras na paglaya mantang nakabinbin an kaso.
Sigun ki Conti, nakakaapektar man soboot sa desisyon kan korte an mga pahayag asin impluwensya kan mga aki kan dating Presidente na sinda Vice President Sara Duterte asin man Davao 1st District Rep. Paolo Duterte.
