Nilinaw ngunyan kan International Criminal Court (ICC) na mayong epekto sa imbestigasyon sa kasong crimes agains humanity kontra ki dating Presidente Rodrigo Duterte an pagkakahali ki ICC Prosecutor Karim Khan.
Sinaysay ni ICC Spokesperson Fadi el Abdallah na kaya hinali si Khan sa kaso an huli sa imbwelto ini sa pagsumiter kan communications sa irarom kan Article 15 kan Rome Statue ki dating Prosecutor Mme Fatou Bensouda.
An nasambitan bg kaso an soboot pinangenotan ni Deputy Prosecutor Mame Mandiaye Niang.
Si Niang an mahiling sa mga pag-imbestigar asin prosecution kan Office of the Prosecutor na igwang kinaaraman ki Duterte kaibahan an pag-apply kan warrant of arrest.
Marurumdumang kan nakalihis na Mayo paramientras na nagbaba sa pwesto si Khan hili sa isinasagibong imbestigasyon kan United Nations huli sa soboot sexual misconducts kaini.
Nagsunad man nin petisyon an depensa sa paagi ni Atty. Nicholas Kaufman na pigpapa-disqualify ninda si Khan huli soboot sa nagin abogado ini kan mga biktima kan war on drugs ni Duterte.
