Pigbuyagyag sa pagdangog kan Senate Committee on Finance na naapektaran kan mga alegasyon kan korapsiyon sa flood control projects an nagkapirang programa kan Metropolitan Manila Development Authority (MMDA).
Sigun ki Committee on Finance Chairperson JV Ejercito, gikan sa P13.576 billion na prosopwestong budget kan MMDA para sa 2026, P5.884 billion sana an inirekomenda kan Department of Budget and Management (DBM).
Kaibahan sa mga dae natawan nin pondo iyo an P300 million para sa Phase 2 kan rehabilitasyon kan Manggahan floodwater channel, asin P300 million para sa Phase 20 kan rehabilitasyon kan lower Marikina River.
Sigun man ki MMDA Chairman Romando Artes, posibleng dae pinondahan an mga proyekto huli ta konektado soboot an mga ini sa flood control, na ngunyan piglilikayan makaligis na mabunyag an soboot sabwatan kan nagkapirang opisyal asin kontratista sa mga maanomalyang proyekto.
Siring man, sinaysay ni Committee on Finance Chairperson Senador Sherwin Gatchalian na igwang natatadang labi P1 billion an MMDA para sa flood control, o pigkakarkulong P32 million kada siyudad sa Metro Manila.
