Mga estudyante nag-walkout rally kontra sa katiwalian sa gobyerno

Nag-walkout an mga estudyante gikan sa manlaen-laen na unibersidad asin kolehiyo sa Metro Manila kasuodma, Biyernes, Oktubre 17, komo protesta kontra sa korapsiyon sa gobyerno.

Nagpuon an hiro-protesta sa University of the Philippines Diliman kun saen nagtiripon an mga estudyante asin paratukdo sa Quezon Hall antes magmartsa pasiring Mendiola.

Nagpartisipar man an mga estudyante gikan sa University of Santo Tomas, Far Easter University, University of the East, asin iba pang eskwelahan sa “U-Belt area”.

An protesta an kasunod kan mga isyu sa soboot anomalya sa mga flood control projects sa nasyon.

Marurumduman na kan nakalihis na Setyembre 21, isinagibo an pinakadakulang anti-corruption protest katakod sa nasambitan ng isyu.