Liwat nag-apelar an dakulang grupo kan mga negosyante sa nasyon ki Presidente Ferdinand Marcos Jr na maggibo nin marekas na lakdang kontra sa nangyayaring korapsiyon sa nasyon.
Sa iniluwas na resolution kan grupo na pigbibilog kan Makati Business Club, Philippine Chamber of Commerce and Industry and Employers’ Confederation of the Philippines an importante na simbagan tulos kan Presidente an pigkonsiderar na makasaysayan asin mahewasang korapsiyon sa flood control asin infrastructure projects.
Sigun pa sa grupo na an talamak na korapsiyon an mas labi pa sa pagkalugi alagad an pagkaraot kan tiwala kan publiko an madara nin kariribokan.
Nakasaysay sa resolution na tawan nin bilog na kapangyarihan an Independent Commission for Infrastructure (ICI) na magsagibo nin imbestigasyon asin magrayo sa impluwensiya kan sisay man na pulitiko.
Kasuhan an gabos kan mga responsable magin anumang posisyon sa gobyerno asin magpauton nin pagbabago sa institusyon tanganing dae na mautro pa an pang-aabuso asin magtao nin update sa publiko sa mga pagbabago sa imbestigasyon asin ipahiling sa publiko an audit findings tanganing masierto an kredibilidad.
