Pigbuyagyag ni Cardinal Pablo Virgilio David na igwang mga nagkapirang lehislador an nagrani sa saiya asin nagkumpisal na imbwelto an mga ini sa anomalya sa flood control projects.
Sinaysay kaini na naghagad an mga nasambitan ng lehislador nin spiritual na giya huli sa saindang ginibo.
Dugang pa kan Catholic Bishops Conference of the Philippines (CBCP) President asin Kalookan Bishop na an mga imbwelto na pulitiko an labi na an pagbasol.
Igwa man nagkapirang pagkakataon na dae sinda pigpapatoninong kan saindang konsensiya.
Dae na man nagtaong anumang pangaran an Cardinal basta sinabi kaining gikan sa Senado asin House of Representatives an mga nagrani sa saiya.
Gabos soboot kan mga ini an garo nagimata na asin nakulogan na man huli sa saindang ginibo.
Marurumdumang magkapirang utro na man na nangapodan si David sa gobyerno na pahiguton an kampanya kaini kontra sa korapsiyon.
