Pinahimutikan kan Embahada kan Pilipinas sa Estados Unidos an soboot crackdown sa mga Pilipinong may dual citizenship sa Amerika.
Sa sarong statement, pinahimutikan kan embahada an nagkukuriyat na video sa social media na nagsasabing inoobligar soboot kan US government an dual citizenship holders tangani i-renounce an saindang ibang nasyonalidad magpuon ngunyan na bulan nin Oktubre 2025.
Pighurot kan embahada na mayo ining katotohanan.
Liwat na pigtawan duon kan embahada an naenot kaining iniluwas na abiso na mayong pagbabago sa polisiya kan US government katakod sa dual citizenship.
Sigun pa sa embahada, padagos na binibisto kan Amerika an mga indibidwal na may labi pa sa saro na nasyonalidad. Katakod kaini, pigsierto kan embahada an Filipino community na iberipika muna an impormasyong nareresiber sa official government sources, likayan an bakong beripikadong content asin ireport an salang impormasyon sa platform kun saen ini inilathala.
Inabisuhan man an mga Pilipino sa US na dumulog sana sa embahada asin konsulada na harani sa saindang lugar.
