Aram baya nindo mga ka-bombo, sarong mag-agom gikan sa Guangdong province sa China an nagin pamoso huli sa saindang pagiging magkahawig o magkalawgon.
An mga nagkapirang tawo na nakakahiling sa duwa sinasabi na posibleng magtugang an mga ini.
Susog sa report, si Liang Caiyu asin He Xiansheng, nagpapadalagan kan sarong herbal medicine shop sa Dongguan, Guangdong province.
Sa ibong kan parehas an duwa na gikan sa pamilya na dekada na an eksperyensiya pag-abot sa traditional herbal medicine, nasakitan pa man giraray an mga ini sa saindang negosyo.
Digde na nagpuon an saindang pag-upload nin mga clips sa social media tanganing i-promoter an saindang produkto.
Katakod digde, an pagigin magkalawgon kan mag-agom an nagin rason tanganing magin viral an mga ini sa Chinese social media, kun saen kadakol an naghahapot kun posibleng identical twins an mga ini imbes na mag-agom.
Sa ngunyan, padagos an narereseber na hapot asin komento kan mag-agom dapit sa saindang pagigin magkalawgon.
