PIGPAPADIREKTA na ni Presidente Ferdinand Marcos Jr. sa mga lokal na gobierno an pondo para sa pagpapagibo kan mga eskwelahan, imbes na sa Department of Public Works and Highways (DPWH).
Ini makalihis mabuyagyag sa Senado na 22 classrooms sana an natapos kan DPWH sa target na 1,700 huli ta mas pigtutukan soboot an flood control projects.
Sigun ki Palace Press Officer Atty. Claire Castro, sa irarom kan bagong polisiya, direkta nang mapapaduman sa LGU an pondo, mantang pigmomonitor kan DPWH asin Department of Education (DepEd) an pagsasagibo kan proyekto para sa mas marekas na implementasyon.
Maurulay asin mapirma nin kasunduan an DPWH, DepEd, asin mga LGU para sa implementasyon kan bagong sistema.
Basado sa datos, igwang backlog pa na 2,370 classrooms sa bilog na nasyon. Target kan gobierno na matapos an 200 antes matapos an 2025, 822 man sa ikaduwang quarter kan 2026, asin 2,000 sa ikatulong quarter kan masunod na taon.
