Aram baya nindo mga ka-bombo, sarong mag-agom gikan sa South Carolina ginibong realistic an dekorasyon para sa Halloween na kun saen paglaom kan mga tawo na nakakahiling digde nasusulo an saindang harong.
Susog sa report si Amanda Peden asin Sam Lee labi-labi an pagkahilig sa Halloween decorations.
Kan 2021, igwa an mga ining pigdecorate na raot na eroplano na igwang lunad na skeleton passengers na nakabitay sa kahoy asin igwang parachute sa hampang kan saindang harong.
Sa nagsunod na taon, sinda an nagkriar nin sarong aksidente sa tinampo na nagpapahiling kan desinyong skeleton na na-stuck sa laog.
Alagad mas orog pang nabisto an mag-agom kan 2023, makalihis na i-showcase an garo nasusulo na harong sa enot na pagkakataon.
Ini soboot an kombinasyon kan smoke machines, deceptive lighting, asin camerawork.
An nasambitan ng desinyo an garo totoo na makalihis an haros duwang taon igwa pa man giraray nag-aapod sa local fire department sa nasambitan ng lugar tanganing i-report an nasusulong harong kan mag-agom.
