Nangapudan an World Health Organization (WHO) sa mga lideres kan nasyon asin syudad na magsagibo nin mas estratehikong lakdang para sa salud sa mga urbanong lugar.
Sa pagselebrar kan World Cities Day, inilunsar kan WHO an giya na “Taking a Strategic Approach to Urban Health” tangani simbagan an mga problemang pangsalud sa syudad.
Labi sa 4.4 bilyong tao an nag iistar sa mga urbanong lugar, kun saen nagtatagpo an mga isyu nin salud, katiosan, kapalibutan, asin ekonomiya.
Sigun sa WHO, an mga informal settlement asin slum an igwa nin pinakamalalang kamugtakan, kabali na an kawaran nin pakarhay na istaran, sanitasyon, asin seguridad sa pagkakan.
Pigtawan duon kan nasambitan ng giya an pangangaipuhan na magtabangan an manlaen-laeng sektor tangani makua an mas makatarungan, mas malusog, asin mas matatag na mga komunidad.
Kasabay man kaini, inilunsar man kan WHO an Urban Health E-learning course tangani pakusugon an kakayahan kan mga lider sa ladangan kan urban health.
