Pigpuonan na ni dating four-division world boxing champion Nonito “The Filipino Flash” Donaire Jr an puspusang ensayo kaini para sa paparaning world title fight.
Kaibahan an saiyang pamilya kan mag-abot si Donaire sa Mactan, Cebu para sa matinding ensayo.
Nakatalaan kaya na labanan kan 43-anyos na si Donaire si Seiya Tsutsumi kan Japan sa Disyembre 17 na ikukundusir saTokyo, Japan.
Enkaso magin matrayumpo, ini an magigin pantolong pinakagurang na boksingero na makakakua kan world title
An 29-anyos na Japanese boxer mayo pang daog sa 12 na laban na igwang tolong draws asin walong knockouts.
Mantang si Donaire igwang 43 panalo, walong talo asin 28 knockouts.
Enot ng nakatalaan an laban kan Japanese boxer ki Antonio Vargas kan US kun saen elevated kan full champion status kan WBA interim ini huli sa pagigin dae aktibo ni Tsutsumi.
Nag-atras si Vargas kontra sa Japanes boxer huli sa pagkagadan kan saiyang Ina kaya napili si Donaire tanganing magribay.
