Pigpahayag ni Senador Robinhood Padilla an suporta sa pagbweltada ni Senador Panfilo “Ping” Lacson komo Chairman kan Senate Blue Ribbon Committee, na sigun sa saiya matao nin katatagan asin kredibilidad sa mga imbestigasyon kan Senado.
Sa saiyang social media post, pigsambit ni Padilla na mas marhay na si Lacson, gikan sa majority bloc, kaysa sa ibang senador na malinaw an kulay pampulitika asin pupwedeng magkawsa nin pagkadaog.
Pig-enkaminar man kaini an mga kapwa senador asin publiko na magtiwala sa pamamayo ni Lacson tanganing maisagibo an oversight kan propesyonal asin patas na pagdangog.
Pig-ako man ni Padilla na igwang nagkapira sa minority bloc na mas mawot si Senador Rodante Marcoleta, alagad pigtawan-duon kaini na an pagpili kan chair kan komite nasa majority bloc, bako sa minority.
Nangapudan man ini sa kapanatagan na an politikal na dae pagkakaintindihan makakaraot sana sa Senado.
