Dae na mahagad nin tabang sa ibang nasyon an Pilipinas sa ibong kan danyos na winalat kan Bagyong Tino.
Sigun ki Palace Press Officer Atty. Claire Castro, igwang bastanteng pondo an gobierno tanganing simbagan an pangangaipuhan kan mga naapektaran.
Igwang quick response fund soboot an gobierno na pwede pang madugangan kun kinakaipuhan.
Dugang pa ni Castro, makakalaom nin tabang an mga lokal na gobierno na nangangaipuhan nin dugang na pondo gikan sa national government.
Alagad pigsaysay ni Castro na bukas man an gobierno sa pakikipagtabangan sa mga nasyon na mawot magpa-abot kan saindang asistensiya.
Nagpahayag soboot an pirang nasyon siring kan Australia, Canada, asin Estados Unidos, pati na man an mga kaalyadong nasyon kan ASEAN, na magtabang sa recovery efforts kan Pilipinas.
