Nakapreparar na an Philippine National Police (PNP) sa itinao na direktiba kan Department of the Interior and Local Government o DILG sa pagsasagaibo nin mandatory asin preemptive evacuation sa mga lugar na posibleng maapektaran kawsa kan papaabuton na Bagyong Uwan.
Sigun ki PNP Acting Chief Lt. Gen. Jose Melencio Nartatez Jr., pinapahigot na ninda an pakikipag-koordinar sa mga local government units (LGUs) asin mga disaster response agencies para sa seguridad asin kasalbaduhan kan mga komunidad.
Huli sa hewas asin posibleng danyos kan bagyo, pigsugo na ni Nartatez na ibugtak na sa full alert an mga unit orog na an Northern asin Central Luzon na piglalaomang maapektaran kan nasambitan ng papaabuton na bagyo.
Katakod kaini, pig-enkaminar kan ahensya an publiko na magsunod tolos sa mga abiso kan gobierno asin dae maghalat na maglala pa an sitwasyon.
