Nagpromesa an National Grid Corporation of the Philippines (NGCP) na ipapadagos kaini an marekas na restoration kan mga transmission lines asin mga pasilidad na naraot kan mga nakalihis na bagyo, kaibahan na an Super Typhoon Uwan.
Basado sa opisyal na record maabot sa 16 na transmission structures an natumba dara kan paghagupit kan bagyo, mantang 12 digde an nagtagilid asin 26 na iba pang pasilidad man an putol an mga kable.
Apektado digde an transmission service sa Mountain Province, asin igwang partial service man sa mga probinsiya kan Camarines Sur, Albay, Sorsogon, asin Quezon.
Mantang sa Visayas, Northern Samar sana an naireport na apektado.
Sigun sa NGCP, mayo pang siertong kantidad kan danyos an saindang pigkakarkulong kantidad, alagad pigtawan sinda kan Department of Energy nin 10 aldaw tanganing maibweltada an mga transmission lines sa mga apektadong lugar.
Mientrastanto, inihayag kan NGCP an bahagyang pagpangkaw sa transmission rates ngunyan na bulan. Kun saen an Ancillary Service (AS) rates kaini, naglangkaw nin P0.0997/kWh, gikan sa P0.6546 kan nakalihis na Setyembre.
