Padagos na pigpapahigot kan Armed Forces of the Philippines (AFP) an Humanitarian Assistance and Disaster Response o HADR operations kaini sa mga lugar na naapektaran kan Bagyong Uwan sa nasyon.
Kun saen pinahiro kan nasambitan ng ahensya an gabos nin mga tropa asin assets kaini tanganing masuportahan sa padagos na pagsasagibo nin rescue, evacuation asin relief efforts.
Katakod kaini, nasa 349 na Disaster Response Task Units (DRTUs) asin Search, Rescue, and Retrieval (SRR) na mga grupo na igwang lampas 2 ribong personnel asin essential assets an pigdeploy kan AFP sa bilog na nasyon.
Mantang nasa lampas 1 ribo man an naka-standy na parehas na mga grupo enkaso kaipuhan nin dugang na deployment.
Mientrastanto, padagos man an koordinasyon kan hukbong sandatahan sa National Disaster Risk Reduction and Management Council (NDRRMC), Office of Civil Defense (OCD) asin mga partner kaining ahensya tanganing maparekas an pagpapadara nin tabang asin suporta sa rehabilitasyon kan mga lugar na naapektaran kan nasambitan ng bagyo.
