Pigtawan duon kan Philippine Amusement and Gaming Corp. (Pagcor) na nagluya an pag-uswag kan Philippine gaming industry sa ikatolong quarter kan taon, makalihis mairehistro an P94.51 billion na gross gaming revenue (GGR) mas hababa kan nakalihis na taon gikan sa P94.61 billion.
Sigun ki Pagcor Chairman asin CEO Alejandro H. Tengco, an pagbaba kawsa kan bagong panundunan kan Bangko Sentral ng Pilipinas (BSP) na nagsusugo kan pagsuhay kan e-wallets gikan sa mga lisensyadong online gaming platform.
Sinaysay pa kan opisyal na labing naapektaran an reporma kan Electronic Games (E-Games) sector na soboot pinakamarekas an pag-uswag sa industriya.
Alagad naglangkaw nin 17.4% an GRR kan E-Games sa P41.95 billion kumparar kan nakalihis na taon, nagbagsak man an kita kan Agosto asin Setyembre huli sa mas mahigot na panundunan.sa digital payments.
Nahahadit man an Pagcor sa pagdakol kan iligal na online gaming sites na nag-eenganyar sa mga parakawat na magbalyo gikan sa mga lisensyadong platform.
Sa ibong kan paramientras na pagluya, nagtitinir na kumpiyansa si Tengco na makakabuwelta an industriya kun makapag-adjust na an mga parakawat sa bagong e-wallet rules asin mapakusog an pagpapautob kontra sa mga ilegal site.
Piglalaoman na maluwas pa an BSP nin dugang na regulasyon, kaibahan an limitasyon sa kantidad kan taya asin oras kan pagdedeposito.
