Aram baya nindo mga ka-bombo, pig-anunsyar kan sarong zoo sa Spain an pagkamundag kan enot na lalaking southern white rhinoceros sa saindang pasilidad.
Sigun ki Bioparc Valencia an nasambitan ng rhinoceros an ipinangaki kan nakalihis na Nobyembre 4 asin sa presente an yaon sa pangangataman kan saiyang ina na si Kwanza.
Susog sa report, an Zookeepers pigsusunod an non-invasive monitoring protocol tanganing makarekober nin marhay an Ina asin aki kaini.
Dugang pa ni Valencia, an mag-ina pirme soboot yaon sa laog kan pasilidad alagad paminsan-minsan pigtutugutan na makaluwas tanganing mai-promoter an marhay na pagdakula kan rhinoceros.
An ama man kaini asin duwa pang babaeng rhinoceros na si Nombula asin Ami nahiling na an bagong mundag na rhino asin positibo man an saindang interaksyon.
Mientrastanto, marurumduman, an Southern white rhinos an yaon sa International Union for Conservation of Nature’s Red List asin pigkokonsederar kan European Conservation Program an birth marks kan mga ini komo importanteng milestone sa saindang lado.
