Mapautob nin mga sistematikong reporma sa gobyerno si Presidente Ferdinand Marcos Jr. tangani dae na mautro an mga pang-aabuso sa pondo ka taumbayan.
Sigun sa Presidente, kabali sa mga repormang ini an pagbubugtak nin transparency portal na matao sa publiko nin mas mahewas na access sa impormasyon dapit sa mga proyekto kan gobyerno, siring kan listahan kan mga kontratista, lokasyon, kantidad kan proyekto, asin iba pang detalye tangani mas mabantayan ini.
Kun igwa nin nahiling sa portal na dae tugma sa panundon o may kahina-hinalang hiro, marikas ining matutukoy asin tulos na maaksyunan. Kaiba man sa mga reporma an paggamit nin artificial intelligence (AI) sa pagdisenyo kan proyekto, sa bidding, asin sa pagbabayad.
Sa AI system, mahihiling an bilog na proseso kan kontrata asin kun igwa nin nahiling na sala o kahina-hinalang parte, awtomatiko ining ita-tag tangani maimbestigaran.
