NAGA CITY-PAadagos na pigtututukan kan pamayuhan kan Balatas Naga City an lado kan salud asin katrangkiluhan kan mga kajovenan sa saindang Brgy.
Sigun ki Ferdinand De Hitta (Barangay Captain, Balatas, Naga City), sinaysay kaini na an kagayunan sa sainda, igwa sinda nin mga stakeholders na nagtatabang sa mga kaakian siring na sana kan Angat Buhay asin iba pa.
Padagos man an pag implementar kan feeding program sa mga kaakian sa komunidad, asin pigtataong libreng check ups sa mga PWDs. Labi an kaogmahan kan opsiyal huli ta napili an saidnang Brgy sa mga siring na benipisyu, asin preparado man sinda sa ano man an mga pighahagad kan mga evaluators orog na ta mas pinagayon na ngunyan an saindang healthcenter na saro sa saindnag nahiling na advantage para sa mga residentes.
Sigun ki De Hitta, saindang pig-aasegurar na mantinido an suplay kan bulong sa saindang healthcenter tangani an gabos man na mga kahagadan kan mga kunstituwentes manungod sa salud, an saindang maitatao tulos.
Sa ngunyan, an saindang proyekto iyo an makabakal nin sadiring Dental Chair tanganing dawa papano, pwede nang makapag kundusir nin libreng bunot orog na ta mahal sa presente an mga siring na Dental Services.
Katakod kaini, nagkakanigo na magkaigwa man nin bastanteng pondo para sa Dentista na matukaw sa healthcenter.
Mientrastanto, sa huring datos mayo man nin dakol na cases kan dengue an saindang nairerehistro sa lugar orog na ta saindang namamantinir man an kalinigan kan kapalibutan. Siring man sa mga kaso kan naglalakop na influenza illnesses.
