NAGA CITY-Pigtawan linaw kan lado kan Public Safety Office an nagin Implementasyon kan Truck Ban sa syudad nin Naga.
Sa entrevista kan Bombo Radyo Naga ki Renne Gumba- Head, Public Safety Office, sinaysay kaini na bakong total ban an pig implementar sa National highway.
May mga oras sana na bawal sa kada aldaw nin Lunes hasta Sabado.
An mahigot na dae pigtutugutan na maglaog igde iyo an mga truck na 6 wheeleers pataas na gikan pang Metro Manila. Buot sabihon, an mga truck na pasiring Visayas, an kaipuhan na mag agi sa Almeda.
Igwa kaya nin nahihiling na mga nakapurundong behikulo sa parte kan Milaor na nagsasabing igwa soboot na pigpapautob na truck ban.
Kaya man padagos an pag impormar sa gabos orog na sa mga drivers na bako man mga taga Naga, na nag aapply sana man an nasambitan ng ban sa mga areas sa may Almeda Highway sa parte kan traffic lights, abot Rotonda asin Concepcion.
Sa mga oras kan truck ban, pwede sana na magbyahe an mga covered vehicles sa mga designated na alternatibong ruta.
An siisay man na mga driver, operator o kumpanya na madakupang nag bayolar sa nasambitan ordinansa, an mahahampang sa nagkakanigong penalidad.
