Nanindugan asin nagtutubod si Department of National Defense (DND) Secretary Gilberto Teodoro na mayong pigtatakupan an administrasyon katakod pa man sa mga nagpapadagos na imbestigasyon kan Independent Commission for Infrastructure (ICI) asin magin kan Office of the Ombudsman dapit pa man sa mga maanomalyang flood control projects sa nasyon.
Sa sarong entrevista, ipinaliwanag kan sekretaryo na alagad maski nagtutubod sindang mayong siring na sistema an administrasyong mapadapit sa imbestigasyon kan mga nasambitan ng ahensiya, inihayag man kaini na mantang naghahaloy, dae mahahali sa publiko an duda na posibleng igwang mga pigtatakupan sa imbestigasyon na ini.
Ini an katakod sa mga ongoing investigations na hasta sa ngunyan mayo pa man soboot naitutukdong personalidad makalihis an nagkapirang bulan kan magpuon an saindang mga pag-iimbestigar dapit digde.
Mientrastanto, inihayag man ni Teodoro na padagos na nagluluya an estado kan nasyon dapit sa korapsiyon asin magin sa politikal na estado rason tanganing magin paha soboot an taumbayan sa hustisya asin paninimbagan gokan sa mga imbwelto na mga personalidad sa mga isyu na ini.
