Laog na sa finals kan individual all-around asin tolong apparatus kan 3rd Artisitic Gymnastics Junior World Championships si Filipino gymnast Karl Eldrew Yulo na pigkukundusir sa siyudad nin Pasay.
Sa qualifiers nakapagrehistro si Eldrew nin 78,332 points sa bilog na apparatus na nagtapos nin pang-15th overall.
Kaibahan ining nag-qualify sa floor exercise, vault asin horizontal bar finals.
Pigsaysay kan nasambitan ng atleta na alagad maski nautob na an saiyang pangaturugan dae pa man soboot tapos an laban kaya orog pa kaining titibayan sa finals.An individual all-around finals an ikukundusir sa aldaw nin Sabado mantang an floor exercise finals an sa aldaw nin Domingo asin an horizontal bar finals an sa aldaw man nin Lunes.
i Karl Eldrew an tugang kan double Olympic Gold medalist na si Carlos Yulo na nagdalan man sa kawat kan saiyang tugang.
