Pigsierto kan Bureau of Corrections (BuCor) na preparado na an saindang kulungan o pasilidad para ki dating Bamban Mayor Alice Guo asin iba pang indibidwal.
Sigun ki BuCor Director General Gregorio Pio P. Catapang Jr., mahigot an seguridad na ipinapautob sa Correctional Institution for Women (CIW), kun saen ibabalyo si Guo makalihis hatulang reclusion perpetua kan Pasig Regional Trial Court huli sa qualified human trafficking.
Sinaysay man ni CIW Corrections Technical Superintendent Marjorie Ann Sanidad na nagtalaga na sinda nin dugang na Corrections Emergency Response Team tangani mamantinir an katrangkiluhan asin kaayusan sa laog kan nasambitan ng pasilidad.
Naka-on-call status na man an gabos kan tauhan magpuon kan nakalihis na aldaw nin Huwebes. Paliwanag ni Sanidad, komo parte kan standard operating procedure, pag abot kan PDL na si Guo sa CIW, aakuon ini kan sarong itinalagang Receiving Officer sa Reception and Diagnostic Center (RDC).
Kabali sa primerong proseso an pag-verify kan saiyang mga dokumento asin kagamitan antes man ini isairarom sa limang aldaw na quarantine, kun saen isinasagibo an masusing medical examination.
Pagkatapos kaini, ibabalyo ini sa regular dormitory kan RDC para sa mandatory orientation, diagnostics, asin qualification.
Makalihis an 60-day na proseso sa RDC, ibabalyo ini sa saiyang regular dormitory sa Maximum Security Camp huli sa hatol na panghabambuhay na pagkakakarsel.
Pigtatawan duon ni Catapang na an 55-aldaw na assessment period makalihis an limang aldaw na quarantine an importante tangani matukoy an pangangaipuhan kan bagong PDL.
