Nagtitinir an kapreparaduhan ni dating House Speaker asin Leyte Rep. Ferdinand Martin Romualdez na hampangon an mga imbestigasyon asin posibleng mga kaso katakod sa maanomalyang flood control projects.
Naglalaom si Romualdez na magigin patas an mga imbestigasyon asin proseso dapit digde.
Tiwala man si Romualdez na sa bandang huri maluwas asin matindog an katotoohan.
Ini an makalihis irekomenda kan Department of Public Works and Highways asin Independent Commission for Infrastructure an pagsusunad kan mga kasong plunder, graft, asin indirect bribery kontra ki Romualdez asin dating Congressman Elizaldy Co.
Advertisement
Naenot nang sinaysay ni Romualdez na malinig an saiyang konsensya.
Advertisement
