Nagpahiling nin marikas na pag-perform si Filipino gymnast Eldrew Yulo antes na madaog sa pommel horse asin rings, tanganing matapos kaini an ika-walong puesto sa men’s individual all-around finals kan 3rd FIG Artistic Gymnastics Junior World Championships.
Nag-abot si Yulo hasta sa ikaduwang puesto makalihis an impresibong floor exercise routine—iyo an ikaapat kaining apparatus na kun sain naka-record ini nin personal top score na 14.300.
Alagad dae kaini napadagos an momentum makalihis magdukot sa mas hababang scores na 13.000 sa pommel horse asin 12.066 sa rings.
Nagkaigwa man nin depekto an saiyang dismount sa parallel bars, na nagresulta sa score na 12.833.
An iba pa kaining resulta iyo an 13.466 sa vault asin 13.006 sa horizontal bar.
Nagpa-therapy si Yulo makalihis an sprain kan toong bitis. Si Yulo mabalik sa kompetisyon sa gold medal events para sa vault asin high bar sa Lunes.
