Maduon na pinahimutikan ni dating Presidential Spokesperson Atty. Harry Roque an naglalakop na baretang naarestar ini sa Schiphol Airport sa Amsterdam, Netherlands.
Sa sarong pahayag, sinaysay ni Roque na mayong katotoohan an bareta. Katunayan, nakabakal pa ini nin ticket asin igwang nakatalaang biyahe pasiring Austria.
Nagin urulay-urulay an isyu makalihis magluwas nin report na soboot inarestar si Roque sa nasambitan ng palupadan.
Huli digde, mismong si Senate President Tito Sotto an naghagad nin paglilinaw gikan sa Department of Foreign Affairs (DFA) dapit sa nasambitan ng bareta.
Sigun sa DFA, mayo sindang naresebir na kumpirmasyon gikan sa saindang mga opisyal asin embahada sa Europa na igwang kinaaraman sa soboot pag-arestar ki Roque.
Sa ibong kan mga naglalakop na bareta, nanindugan si Roque na ini malaya asin dae ini nahahadit sa mga plano kan gobyerno kan Pilipinas.
Para man sa kampo kan Malacañang, bako an administrasyon an nagpapa-arestar ki Roque, kundi an korte, huli sa magabat na kasong pigkakahampang kaini.
