NAGA CITY- Nagbweltada na an operasyon kan Philippine National Railways (PNR) sa nagkapirang parte kan Bicol Region makalihis na i-suspender an serbisyo huli sa Supertyphoon Uwan kan nakalihis na bulan nin Nobyembre.
An rehabilitation asin pagpapakarhay nagin dalan tanganing maibwelta an ruta sa pag-ultanan kan Quezon asin Camarines Sur alagad an rutang Legazpi City asin Naga City an aabuton pa nin tolong bulan antes na maibalik.
Sigun ki PNR General Manager Deovanni Miranda, an rutang Naga–Legazpi, nagtitinir na suspendido huli sa nagpapadagos na pagpakarhay kan mga tulay asin porsyon kan rail line sa Guinobatan.
Mantang an round trip sa pag-ultanan kan siyudad nin Calamba sa Laguna asin Lucena City sa Quezon an operational na.
Katakod kaini, piglalapigutan man kan ahensiya na tolos na mapakarhay an tulay sa Guinobatan Bridge na pighihiling na aabuton pa nin tolong bulan.
Mientrastanto, an estimated man na danyos sa railway system na kawsa kan Bagyong Uwan an nag-aabot sa P20 million, kabali na an pagpapakarhay sa Guinobatan, Albay asin banwaan nin Ragay sa probinsya kan Camarines Sur.
