NAGA CITY – Ikukundusir an pag-urulay dapit sa guidelines na piglatag kan Land Transportation Office sa mga E-bike asin E-trike owners.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na sa presente mayo pa bilog na detalyes kan pag-urulay alagad magigin strikto an mga otoridad sa pagmonitor sa mga E-bike asin E-trike user sa may parte kan Maharlika High Way, Diversion Road asin Almeda sa siyudad nin Naga.
Katakod kan nasambitan ng lakdang, ngunyan man na aldaw pigdiskuter sa lado kan Public Safety Office Naga an ibang mga detalyes kan nasambitan ng guidelines.
Ini tanganing maliwanag an mga panundunan na pigsusunod asin dae nababalgar an derechos kan publiko.
Mientrastanto, igwa man na klase kan Units na dae na pigtugutan na gamiton sa luwas kan Barangay siring kan mga Single Units kan E-bike asin E-trike asin pwedeng maikonsederar an mga darakulang units na kaparehas hilingon sa tricycle.
Sa ngunyan, hagad liwat kan alkalde an pakikipagtabangan kan saindang mga nasasakupan para sa mas salbadong komunidad.
