Aram baya nindo mga ka bombo sarong babae an apat na aldaw nagtinir na nakasakay sa refrigerator asin nagpalutang-lutang sa baha sa laog kan saindang harong an nasagip sa Ban Phru Village sa Thailand.
Susog sa report sinabing nagluluya na an 50-ayos na babae huli sa pirang aldaw na ining mayo nin kakan mantang naghahalat nin rescue.
Sigun sa saiya, dae sinda nakaluwas tolos sa harong makalihis an baha asin dae man ini nangahas na maghali huli sa langkaw kan lebel kan tubig sa luwas.
kairiba soboot kan babae an saiyang ina na 80-anyos kan mangyari an labing pag-uran.
Nanlumo an mga awtoridad kan maaraman ninda na nahulog sa baha an ina makalihis ining mawaraan nin balanse asin nalamos.
Pigbugtak kan babae an hawak kan ina sa saro pang nagpapalutang-lutang na ref tanganing dae madara kan tubig an mga labi kaini.
Maingat na pigsakay sa rescue boat an babaeng survivor, na labi an kagutoman asin dehydrated makalihis an apat na aldaw na dae nakakakan asin nakainom.
Natawan na man ini nin medical assistance, mantang narekober na kan mga awtoridad an labi kan saiyang ina. Natawan naman nin medical assistance, mantang narekober na kan mga awtoridad an labi kan saiyang ina.
Saro an Hat Yai sa mga napuruhan kan mahewasang pagbaha sa Thailand makalihis manalasa an Tropical Storm Koto, na enot nanalasa sa Pilipinas komo bagyong Verbena.
Nakaranas nin pagbaha an 12 probinsiya sa Thailand.
Pagsapit kan Disyembre 2, nagpakol na sa 181 an napaulat na binawian nin buhay.
Apwera sa bagyo, magagabat man an monsoon rains sa Thailand, Indonesia asin Sri Lanka.
Hasta sa pagkaaga kan Disyembre 3, nagpakol sa 1,347 katawo an binawian nin buhay sa tolong nasyon kawsa kan baha asin landslides.
