Pig-enkaminar kan Department of Agriculture (DA) an publiko na ikonsiderang alternatibo paramientras an manok huli sa halangkaw na presyo kan sirang galunggong.
Sigun ki Agriculture Secretary Francisco Tiu Laurel Jr. , na nagin halangkaw na an presyo kan mga imported na galunggong na nagkakawat puon sa P280 hasta P350 kada kilo.
Mantang an mga lokal na galunggong an nagkakawat puon P300 asin maabot pa nin P400 kada kilo.
Dugang pa kaini na nagkakaigwa nin problema nin suplay kan nasambitan ng sira huli sa closed fishing season.
Dae pa kaini masierto kun hasta nuaring mababa an presyo kan nasambitan ng sira kaya mas marhay na magin alternatibo an manok.
Pwede na man magbaba an presyo kan sira kun mag-abot na sa nasyon an import shipment na napauktaba an pag-abot huli sa raot kan panahon.
