Aminado si Senate President Vicente Sotto III na igwang problema sa amendments sa 2026 national budget, rason kun tano napauktaba an paglusot kaini sa ikaduwang pagbasa kan nakalihis na aldaw.
Sa entrevista, sinaysay ni Sotto, nauktaba an pagpasa sa second reading huli ta nadidipisilan sinda kun pano ia-accommodate an amyenda kan kada senador.
Padagos pa man soboot sinusuri ni Senator Sherwin Gatchalian — chairman kan Finance Committee — an ipinadadarang individual amendments.
Pigsierto man ni Sotto na kan nakalihis na aldaw, dagusan nang maipapasa sa ikaduwang pagbasa an 2026 budget, asin maaprubaran man sa ikatulong pagbasa sa December 9 — basado sa pigtalaang schedule.
Mientrastanto, kumpiyansa man an lider kan Senado na dae magkakaigwa nin reenacted budget — huli ta magin si Peri Ferdinand Marcos Jr. an tutol digde.
Dae soboot tutugutan kan Senado na ma-reenact sa 2026 an 2025 national budget — na inilaladawan komo “most corrupt budget.”
Kaya man gigibuhon ninda an gabos tangani maapura ini asin tangani na antes matapos an taon matintaan na kan Presidente an pambansang pondo.
Kan mahapot man si Sotto kun an minority bloc an kadakol na reklamo rason tano nauktaba an pagsumiter sa second reading, sinaysay kaining may kwestiyon an.minorya — alagad dapat magkaigwa nin kompromiso pagabot sa urulay kan budget.
Mientrastanto, apwera sa mga senador, kinumpirmar ni Gatchalian, na may mga ahensya pa na nagpapabot nin last-minute letters o amyenda sa saindang budget rason kan pagkauktaba sa pagpasa sa ikaduwang pagbasa.
Siringpaman, sinaysay ni Gatchalian, mayo man soboot nagpirit sa mga kaibahan kaining senador na kaipuhang mailaog an saindang amendments.
Kampante man si Gatchalian na mayorya kan mga senador an na-accommodate an saindang isinumiteng amyenda sa propwestong 2026 national budget.
