Nagdara nin mahewasang danyos an naganap na magnitude 7.5 na linog sa Hilagang parte kan Japan kun saen 30 katawo an irido, pagkaraot kan nagkapirang tinampo, power outage, asin nairehistronng saradit na kasulo.
Nag-trigger an an linog nin tsunami na nag-abot hasta 70 centimeter an langkaw, kaya 28,000 residente an sapiritang pig-ebakwar.
Apektado man kan linog an nagkapirang imprastraktura, kaibahan an Shinkansen train services, kasabay an pagkawara kan kuryente sa labi 2,700 kaharongan.
Dae man naapektaran an mga hararaning nuclear plant sa lugar.
Nagpatanid man si Japan Prime Minister Sanae Takaichi sa publiko na magin alerto sa posibilidad kan aftershocks.
Marurumduman na an Japan siring sa Pilipinas an parte kan “Ring of Fire”, na nakaka-eksperyensiya nin poco mas o menos 1,500 na linog kada taon, kun kaya siring na sana an pagpepreparar kan nasyon para sa posibleng mga megaquakes sa futuro.
