Pinagirumduman kan Department of Health an publiko na magpakonsulta tulos sa doktor kun nakamate nin sintomas kan leptospirosis makalihis maireport kan ahensiya an labi sa 700 kaso kan helang sa Central Visayas magpuon Nobyembre hasta Disyembre 2025.
Sigun ki DOH Media and Promotion Bureau Director Tina Marasigan, nakapagrehistro nin 744 kaso kan leptospirosis sa Central Visayas magpuon Nobyembre 1, 202 basado sa datos kan DOH kan Disyembre 10. Ini an makalihis labing naapektaran kan Bagyong Tino an lugar kan Nobyembre.
Binanggit ni Marasigan na kadaklan sa mga nairehistrong kaso an nakamate nin sintomas siring kan kalintura, panginginig, headache, asin pamumula kan mata makalihiss malantad sa baha. Sa kabilugang nairehistrong kaso, sinaysay kan DOH na 715 na pasyente an nakarecover na.
Sinabi man na igwang bastante na suplay kan doxycycline, sarong antibiotic na bulong para sa post-exposure, an mga ospital. Sigun sa medical expert, pwedeng mahawa an tao kan helang na kawsa kan Leptospira bacteria kun nakadukot sa tubig, pagkakan, o daga na may kontaminadong ihi kan hayop.
