NAGA CITY- Pigpaliwanag kan alkalde kan siyudad nin Naga an dapit sa budget na piggagamit sa pagkundusir kan Carless Sunday.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na may kwarta an siyudad para sa nasambitan ng programa nin huli ta igwang budget digde an CEPPIO na parte pa kan Kamundagan Festival.
Sigun pa ki Robredo, mayong kwarta an siyudad sa mga dae nakalaag sa budget. Boot sabihon an savings nakatagama para sa utang asin mayo soboot extra sa mga bagay na mayo sa budget.
Dugang pa kan alkalde, kulang an collection kan treasury sa ngunyan orog na ta nagdeklarar an gobyerno nasyunal nin tax amnesty kan nakalihis na Hunyo 2024 asin matapos sa Hunyo kan taong 2026.
Dugang pa kan opisyal, mayong incentives an tawo na magbayad orog na ta mayo man penalty na kun saen an epekto kaini namamatean sa presenteng taon.
Pigsaysay pa ni Robredo na nasasakitan sinda sa paghanap nin kwarta kaya dae man mapopondohan an mayo sa 2025 budget kan siyudad.
Sa ngunyan, pigsierto na sana kan alkalde na padagos man an saindang paglalapigot tanganing mapanuan an gabos na pangangaipuhan kan siyudad sa mga masurunod pang taon.
