Pigheras ni F/INSP. Keith Wilmer Bolinget, Acting Municipal Fire Marshal kan BFP-Tuba, an saindang pagresponde sa insidente kan soboot pagkahulog ni dating DPWH Undersecretary Maria Catalina Cabral sa Kennon Road, Tuba, Benguet.
Sigun sa BFP official, nanutaran si Cabral sa Bued River, lampas 20 metro gikan sa tinampo, makalihis ireport kan saiyang driver na pigbayaan kaini nin solo an dating opisyal antes mawara.
Tolos na nagresponde an mga personahe kan BFP-Tuba kaibahan an pulisya asin iba pang emergency units tanganing maisagibo an retrieval operations.
Pigkumpirmar kan mga otoridad na pigdeklar na gadan si Cabral mag-uumagahon ngunyan na Disyembre 19, 2025.
Antes an saiyang pagkagadan, pig-iimbestigaran ini katakod kan iregularidad sa sarong flood control projects kan DPWH.
An insidente nagkawsa kan masusing imbestigasyon asin liwat nagbukas kan usapin dapit sa integridad kan ebidensya asin chain of custody sa mga kasong may kinaaraman sa mga opisyal kan gobyerno.
