NAGA CITY – Pigkumpirmar kan PNP na 5 na an binawian nin buhay sa trahedya sa tinampo sa banwaan nin Del Gallego Camarines Sur.
Sa entrevista kan Bombo Radyo Naga ki PCPT. Bernie Undecimo Acting Chief of Police kan Del Gallego MPS sinaysay kaining alas dos nin pagkahapon kan Disyembre 27, 2025 nadugangan an casualty na kun saen kaibahan ini sa trabaho kan huring naretreive kan mga otoridad na si Harold Mike Dig.
Sa ngunyan duwa na nasana an injured na yaon sa ospital kaibahan digde an driver kan Bus.
Sa presente pigsunadan naman nin kasong Reckless Imprudence resulting to multiple Homicide, asin damage to property an driver kan ama ni Harold Mike Dig biktima kan nasambitan na aksidente.
Alagad an ibang pamilya dae pa soboot nagdedesisyon kun masunad nin criminal complaint sa driver asin sa kumpanya kan bus.
Mientrastanto, haros gabos man kan pasahero nagtamo nin injury alagad an iba nakaluwas man sana sa ospital huli ta naagapan man tolos kan first aid.
Sa ngunyan, pig-enkaminar na sana kan opisyal an publiko na magin malikay asin pirmeng ikondisyon an sadiri tanganing magin salbado an pagbabyahe.
