Sarong dakulang pile-up na kinaiimbweltuhan kan dae mababa sa 50 lunadan an naganap sa Kan-etsu Expressway sa Minakami, Gunma Prefecture, na nagin rason kan pagkagadan kan duwang indibidwal asin 26 na irido.
An insidente an nagpuon sa sarong banggaan kan duwang truck na nagdara nin chain reaction rason tanganing magliyab an mga ini asin madamay an dae mababa sa 10 behikulo.
Sarong 77-anyos na babae gikan sa Tokyo an binawian nin buhay, asin nanutaran an saro pang lawas sa driver’s seat kan nasulong truck.
Limang tawo an labing nalugadan, mantang 21 iba pa an igwang mga minor na lugad.
An aksidente an nangyari sa tahaw kan makusog na snowstorm asin pinagtutubodang nagin rason kan pagkahalnas kan mga truck.
Inabot nin pitong oras an mga bumbero tanganing matumtom an kalayo, mantang an sarong parte kan expressway an isinarado, na nagresulta sa trapiko sa lugar.
