Sinaysay ni Education Secretary Sonny Angara na an propwestong 2026 national budget na niratipika kan Kongreso an dinisenyo tangani na siertuhon na an government spending an makapagpo-produce nin ‘clear asin measurable gains’ sa pag-aadal kan mga estudyante. Iniladawan ni Angara an proseso kan 2026 budget komo saro sa ‘most transparent’ sa historya.
Pigtawan duon na an alokasyon an mahigot na sinuri tangani na masiguro na an pondo an nakadirekta sa mga programa na direktang makakaapektar sa klasrums, mga paratukdo asin mga estudyante sa irarom kan Department of Education (DepEd).
Pigtawan duon kan sekretaryo na inatasan na ni Presidente Ferdinand Marcos Jr. an mga ahensiya na siguruhon na masusuring marhay an nasambitan ng budget tangani masierto an ‘accountability asin tangible outcomes’ orog na kun naparikas an education reforms.
Sa lado soboot kan Presidente, malinaw an kasuguan na busision an budget asin siertuhong kada piso an may malinaw na balik sa pagkanuod kan mga aki, orog na mantang pinaparikas an mga repormang pang-edukasyon na dapat direktang mamatean sa laog kan klasrums asin mga paratukdo.
Sa propwestong P6.79-trillion national spending program para sa 2026, an edukasyon an nagtitinir na top investment priority kan gobyerno. Presente man na nagsasairarom an General Appropriations Bill sa pinal na pagrerepaso ni Presidente Marcos antes pa an nilalaomang pagtinta sa January 2026.
Sigun sa DepEd, an 2026 budget structure nagrerepleka sa pagbabago para sa results-based asin transparent spending, na kahagadan kan ahensya na maihatod an visible improvements sa learning conditions, school facilities, asin instructional support sa masunod na taon.
