Ako kan Pilipinas, komo napipintong chairman kan Association of Southeast Asian Nations (ASEAN), an kasunduan sa pag-untok kan labanan sa pag-ultanan kan Cambodia asin Thailand makalihis an pirang semang bakbakan.
Sa report, nagkasundo an Thailand asin Cambodia para sa katrangkiluhan na nagwalat nin 101 katao na binawian nin buhay.
Susog ki Foreign Affairs Spokesperson Angelica Escalona, bilog an suporta kan Pilipinas sa panibagong hiro kan Cambodia asin Thailand tangani na maibalik an ceasefire asin makua an kagustuhan kan parehas na lado sa dayalogo asin katuninungan na maresolbaran an haloy nang isyu.
Sa sarong joint statement, ipinaluwas kan aldaw nin Sabado, parehas nag uyon an magkaibong na lado na magpautob nin de-escalation measures, kabali na an tugutan an mga residentes na nakaistar sa apektadong border areas na bumalik. Napagkasunduan man kan duwang estado na pakalmahon an puwersa kaiba an bilog na Cambodia-Thailand border.
Mientrastanto, kasunod kan two-day summit kan nakalihis na Dec. 28 hasta 29, Cambodia’s Foreign Minister, Prak Sokhonn, asin saiyang Thai counterpart, Sihasak Phuangketkeow, naka ulay si Chinese Foreign Minister Wang Yi sa Yunnan, China, tangani na pagsaruon an ceasefire asin pag-ulayan an mga lakdang tangani na ipagpadagos an ‘normal exchanges’ asin liwat na patatagon an mutual trust.
