Nagpasiring an pirang personahe kan Communication and Electronic Service ng National Capital Region Police Office o NCRPO sa Minor Basilica and National Shrine of Jesus Nazareno.
Ini para surion kun nasa maayos na kundisyon an mga CCTV sa palibot kan Quiapo, Maynila.
Saro-saro pighiling kun malinig, malinaw, naggagana asin maayos an koneksiyon kan gabos kan CCTV orog an harani sa simbahan kan Quiapo.
Magin an mga CCTV na nakakalat sa aagihan kan Traslacion sa January 9. 2026 pigsuri man kan mga tauhan an nasambitan na tanggapan kan NCRPO.
Obheto kaining masierto na reel time an monitoring sa pagtiripon kan mga deboto asin an pag-usad kan andas sa mismong aldaw kan Traslacion ni Jesus Nazareno.
Sa paagi kan mga CCTV, matututukan kan NCRPO an pagpuon kan Traslacion puon sa Grandstand hasta makaabot nin Quiapo Church apwera pa sa mga tauhan ninda na ipapakuriyat para masierto an kaayusan asin kapayapaan.
