Nagsunad nin panibagong ‘tax evasion’ sa Department of Justice an Bureau of Internal Revenue laban sa contractor imbwelto sa anomalya kan flood control projects.
Personal na nag abot sa kagawaran si Internal Revenue Comm. Charlito Martin Mendoza tangani sunadan nin reklamo partikular an maysadiri kan Wawao Builders na si Mark Allan Villamor.
An nabanggit kayang indibidwal an iyong ‘sole proprietor’ kan nasambitan ng construction company may kinaraman sa ghost flood control project sa Malolos City, Bulacan. Sigun ki Comm. Charlito Martin Mendoza an pagsusunad nin reklamong ‘tax evasion’ an nag-ugat sa dae kaini pagbabayad sa buwis na mapakol nin P48.39 million.
Natawan ini nin kontrata tangani maggibo nin flood control project o river infrastructure protection sa Bulacan kan nakalihis 2024. Dugang pa kan nasambitan ng commissioner, sa ibong kan maitao sa kontratista an pondo o bayad an mayo man nin mahihiling natapos o nagibong proyekto.
Kun kaya huli sa mayo man na ginibo o ‘non-existent’ an flood control project an maikokonsiderar soboot na ‘fictitutious’ o gibo gibo sana an mga idineklarang ginastos sa pagpapatugdok kan proyekto.
Huli digde, pigtawan duon ni Internal Revenue Comm. Mendoza na an lakdang na ini an komo pagpapahiling na seryoso an saindang kampanya kontra korapsyon sa flood control projects.
