Nagtitinir pa man sa target range kan gobyerno an naeeksperyensiyahang unemployment rate kan nasyon sa ibong kan paglangkaw kaini kan nakalihis na taon, dara kan padagos na pag-uswag kan ekonomiya sa pagtatapos kan 2025, sigun sa Department of Labor and Employment (DOLE).
Sinaysay ni Labor Secretary Bienvenido Laguesma na nagmaray an employment conditions sa month-on-month basis mantang pinahewas kan mga negosyo an saindang operasyon tanganing masimbagan an year-end demand.
Dugang pa kaini, padikit-dikit man na nakabawi an service asin trade sector gikan sa antala dara kan mga nakalihis na natural na kalamidad.
An pahayag kan opisyal an kasunod kan report kan Philippine Statistics Authority (PSA) na nagsabing an manufarcturing sector an nakapagrehistro nin saro sa pinakadakulang year-on-year job losses kan nakalihis na Nobyembre 2025, kun saen poco mas o menos 150,000 na trabaho an nawara.
Siring man, pigtawan-duon kan sekretaryo na igwang mga palatandaan kan pagmarhay kan kalidad kan trabaho, huli ta an pag-uswag kan employment an primerong nahihiling sa mga skilled asin semi-skilled occupations.
Nagbaba man soboot an underemployment, na pigkokonektar kaini sa mga programang nakatuon sa skills upgrading, youth employment asin enterprise support.
